1963 - Prins Job I

Prins Job I

Terugblik op mien prinsenjaor     
     
Ik, prins Jöb I, zie meer toevallig prins geworre. Vôr de meense die ut nog nie wete zol W. Weijers "De Witte" prins worre, mar dizze staond 's zaoterdags van te vôrre (vôr ut prinsebal) ien de kraant. Toew hebbe ze 's zaoterdags 's aovends mien gekooze. Ge wèt wel beej de Waldkrekels gèn probleem! (no problems zèt d'n Amerikaan). 's Zondags 's merges stoonde Toon de Klok en ik al ien de Maosstraot ien Gennep op de stoep van de fotograaf. Dèn dag was ut bar kalt, ut vraor dat ut krakte. 's Aovends beej de Voss ien de zaol was ut mudvol en hardstikke werm. Ze hebben mien hardstikke goed ontvange, ut leek wel een familie. De muziek van dizze aovend kwam uut 's Heerenberg en oons eige onvolpreeze hofkapel. Alleen mos ik 's maondags 's merges um 6 uur beginne, mar ja, ik was wat gewend want ik woonde tusse twee cafe's: de Klok en de Zwarte. Ik heb dat jaor ôk alle zieke thuus en ien Dekkerswaald bezocht. Wieder mot ik alsnog Jan van Pet Voss bedaanke vôr ut lene van de VW -buskes en Lam Voss en Toon de Klok vôr de uutstèkende ondersteuning en ôk mien dansmarietjes. Mien spreuk was: "Een dag niet gelachen, is een dag niet geleefd!".
Ex Hoogheid Jöb I 1963