1964 - Prins Henk I





Terugblik op mien prinsenjaor   
       
Ik, Hent Voss, wier dèn eurste prins buute de Raod van Elluf. Mien dansmarietjes ien ut jaor 1964 ware Nelly Kerkhoff en Jose Peters. De zaal was dizze aovend wer bomvol. Nelly was net as alle aandere karnavalsvierders verrast, toew ik, ome Hent, uut de raket tevôrschien kwam. Alleen mien vrouw Miep wis dôr alles van, mar kos dôr nie beej zien, want dôr was enne kleine op komst. Trouwens, as ge toew prinses was, had dat nie veul te betekene, wat now heel anders is. Den burgemèèster mit zien wethauwers kwame ôk nog ieder jaor op den prinsebal. Weej hadde ôk goei muziek, natuurluk oons eige hofkapel en "The Smiling Stars". Nao den afloop ginge we altied ète beej Weijers ien den Dam. 's Maondags kwame we alwèr vroeg beejen beej oons thuus, cafe Voss. Vrollie die boodschappe ginge doen wierre meteen noar binne gehaald. Jen den tied hadde we nog gèn resepsie. Weej hadde toew ôk enne optocht. Mien dochter Henriëtte liep as prinses in de optocht mit en thuus had Miep net vôr karnaval nog èn dochter op de welt gebrocht. Ien de kraant schreeve ze: "Prinsesje geboren ien Ven-Zelderheide". Weej zien ôk nog nor Driel gewèst, dôr had een van oons raodsleeje enne "uul" weggehaold. Eurst mos heej terugkomme, anders nie mit de bus naor huus. Ut was 'n gezellig en prachtig jaor vôr mien.
 
Ex Prins Henk I 1964 en Prinses Miep