1968 - Prins Piet I

1968 - Prins Piet I


Terugblik op mien prinsenjaor
          
Regeeringsjaor van ex-prins Piet d'n Eurste.
We gaon terug nor ut 1968, utjaor van de 10e prins. Ien de periode dat ik prins was zien dôr nogal wat opmerkeluke dingen gebeurd zôas de eurste resepsie van de prins en de eurste mar ôk de lèste uutgave van de karnvalskraant. Mar dôr ware ôk minder moje gebeurtenisse zoas ut ongeluk mit de prinsewage. Een van de raodsleje vond ut nûdig um ien èn huukske van de prinsewage te gaan staon wat nie vôr meense gemakt was. Heej kon zien evewicht nie haalde en viel same mit nog twee aandere raodsleje tusse de traktor en de wie1e van de prinsewage. Umdat èn aander raadslid 3 meense nog nie genoeg vond, die de dôrgezakt ware, sprong heej van de zeejkant van de prinsewage nor oonder, mar kwam dôrbeej bezeeje ien enne mercedes van enne pruus teregt. We zien mit zien alle nor ut ziekenhuus gegaan. Dor kreeg ôk nog en raadslid van èn verpleegster op de pens umdat heej èn nepbierglas ien de tès stiekum mit nor binne nam en dat ging kapot wat enne onnoemeluke stank gaf. Hiernao kosse de raodsleje mit mien wee verder gaon. En toch is ut laoter nog èn gezellige en enne onvergeteluke karnaval geworre.
Ex Prins Piet I 1968