1983 - Prins Geert I

1983 - Prins Geert I



Terugblik op mien prinsenjaor 
         
Ien ut jaor 1983 wier ik prins van de Waldkrekels. Dit is een van de beste en mojste dinger die ow kan ôvverkomme. Dôr zien veul hoogtepunten mit dees grandioze daag, teveul um op te noeme. Eenkele leuke vôrvalle ware dat ze beej mien thuus enne dag nor ut prinsebal de hele deur dicht hadde gestapeld mit zandzèk en dat op de resepsie zeveul meense ow en de raad van elluf de haand kome gève. Vrienden van mien hadde mit de resepsie èn moj kadoo, 100 kleine kuukes en 1 grote haan. Dizze ging dôr ien de zaal meteen tusse uut. Toew de kippe groot ware mos dor en feest van gegève worre, dat hebbe we ok gedaan. Zo kunde nog veul wieder gaan, ut is allemaal teveul um op te noeme, zeveul moje momente. lederen die dôr de prinsekemissie uutgekooze wert mot dit mit twee haand engriepe. Wieder wens ik de Waldkrekels veul succes en geluk ien de toekomst, want ut is èn fijne club um dôr enne keer prins beej te mögge zien. Mien lijfspreuk was: "Lèf nie as èn kiep zonder kop, mar as enne haon ien ut kippehok!"
Ex Prins Geert I 1983
 

Foto's Prins

1983    1983   

Foto's Receptie

    1983   

Foto Raad van Elf

1983