1984 - Prins Mat I

1984 - Prins Mat I



Terugblik op mien prinsenjaor 
         
Ik, ex prins-Mat d'n Eurste, dèn 20-ste prins ien 't rijk der Waldkrekels, uutgekomme op 4 februwari 1984 wil hierbeej nog eens enne terugblik doen op mien grandioos prinsejaor. 't Eurste ut uutkomme. Allemaol ien volle verwaachting die zich allemaal um de krekel dreije en dornao ut entoesiasme van alle meense. 's Zondags smerges al heel vroeg klimt de hele raad ow huus versiere en ze helpe ow ooveral mit. 's Middags hebbe weej mit de raod en de vrollie, dansmarietjes, familie, vrienden en kennissen gezellig thuus èn feest opgebouwd. Op zondag 12 februwari hadde we eiges resepsie. Zondag 4 mert was dôr groot bal. De tent was stampvol. 's Maondags 5 mert was ut verkleede bal, wat èn dèl meense; ze waare al ève moj en ze hadde dôr ok veul werk van gemakt. Dizze aovend wier de grote gôlde onderscheiding uutgegève en iemand dèn veul vor ut dorp dunt. Dizze keer was oonze eige pastoor Compen en de beurt. Dinsdags 6 mert was de jeugdboerebruluft. Dat is vôr de blaage enne moje dag en zo zien die 5 daag vorbeej gevloge. Ien mien prinsejaor is ok miene jongste zoon gebore. Nor maonde van stilte is dôr op zaoterdag 22 dezember 1984 oonze eurste zittingsaovend, wor veul meense èn stèntje en beejgedraage hebbe. Dan kumt de tied um te gaan. Mar ut was vôr mien èn jaor um nie te vergète. Alle meense bedaankt vôr dit onvergèteluk jaor!
Ex Prins Mat I 1984 en Prinses Wilma


Foto's van de Prins

1984

Foto Raad van Elf

1984